Mosfellskirkja í Mosfellsdal

Innansveitarkronika geymd -
týnda klukkan,
fundna klukkan
sem hringt er við helgar tíðir,
saga Laxness af konunni
sem trúa mátti fyrir brauði kirkjunnar,
"brauðinu dýra."

Egils saga ekki gleymd -
saga víkingsins
sem féll tvívegis
fyrir Elli kerlingu.

Glíma þeirra
fær þig til að muna eftir spakmæli Prédikarans:
"Að fæðast hefir sinn tíma
og að deyja hefir sinn tíma."

Fjársjóður kappans enn ófundinn.
Hví að leita silfurs
ef finna má gull
í kenningu Krists á þessum stað,
þessum sögustað?